ຈີນ ຈະເຂັ້ມງວດຈຳກັດການສົ່ງອອກໂດຣນ
ສຳນັກຂ່າວ ຊິນຮວາ ລາຍງານລະບຸວ່າ: ສປ ຈີນ ປະກາດຈະຈຳກັດການຈຳໜ່າຍ ແລະ ສົ່ງອອກໂດຣນ ບາງຊະນິດ, ອຸປະກອນຕ່າງໆທີ່ກ່ຽວຂ້ອງ
ເພື່ອປ້ອງກັນຄວາມໝັ້ນຄົງ ແລະ ຜົນປະໂຫຍດຂອງຊາດ ເຊິ່ງຈະມີຜົນບັງຄັບໃຊ້ນັບແຕ່ວັນທີ 1 ກັນຍາ 2023 ນີ້ເປັນຕົ້ນໄປ, ທ່າມກາງຄວາມກັງວົນ
ວ່າໂດຣນ ຂອງພົນລະເຮືອນອາດຖຶກນຳໄປໃຊ້ທາງດ້ານການທະຫານ.
ກະຊວງການຄ້າຂອງ ສປ ຈີນ ໄດ້ຖະແຫຼງການໃນ ວັນທີ 30 ກໍລະກົດ ຜ່ານມາວ່າ: ສປ ຈີນ ຈະຈຳກັດການສົ່ງອອກໂດຣນ (USV), ພ້ອມດວ້ຍ
ເຄື່ອງຈັກ, ປືນ, ລະເບີດ, ເລເຊີ, ອຸປະກອນສື່ສານ ແລະ ລະບົບຕໍ່ຕ້ານໂດຣນ ໂດຍຈະມີຜົນບັງຄັບໃຊ້ໃນວັນທີ 1 ກັນຍາ 2023 ເປັນຕົ້ນໄປ. ມາດຕະ
ການດັ່ງກ່າວຈະມີຜົນກະທົບຕໍ່ໂດຣນ ທີ່ໃຊ້ວຽກທົ່ວໄປບາງຊະນິດ ແລະ ໂດຣນສຳລັບພົນລະເຮືອນຈະບໍ່ສາມາດສົ່ງອອກ ເພື່ອຜົນປະໂຫຍດທາງການ
ທະຫານ, ເເຕ່ໂດຣນທົ່ວໄປ ສໍາລັບຖ່າຍພາບທາງອາກາດອາດໄດ້ຮັບການຍົກເວັ້ນ.
ແຫຼ່ງທີ່ມາ: ໜັງສືພິມກອງທັບ
ວັນທີ 17/08/2023